Alwidah keh kar usay takta raha main Dair tak...
Aatish-e-khamosh main jalta raha main dair tak ..
Shehr ki veeran galion main akela raat bhar ..
Ek musaafir ki tarha .. Phirta rha main dair tak ..
Aasmaan pr ik adhoora chaand or bikhray najoom ..
Intizaar-e-subha main .. Ginta rha main dair tak ..
Sochta hon kis liye bujhta chala jata hai dil ..
Baad is k jee ko behlaata rha main dair tak ..
Kis qadar maazi ki yaadain talakh or bay darad hain ..
Neend kho k aankhon say rota rha main dair tak ..
Haal us ne b naa poocha go hamraaz tha mera ..
Aahain us k roo baroo bharta raha main dair tak ...
No comments:
Post a Comment